Framundan hjá okkur….

Jæja nú styttist í næsta grunnnámskeið 🙂

Næsta grunnnámskeið hefst þann 29.08 n.k, námskeiðið kostar 15.000kr og að loknu námskeiði getur þú æft að kostnaðarlausu í 4 vikur. Kennt er á mánudögum, þriðjudögum og fimmtudögum kl 19:15.

NÝTT !!

Mömmu CrossFit hefst 15.08. n.k ! 12 tíma námskeið sem stendur í 4 vikur, kennt er 3svar í viku í c.a 60 mín í senn og börnin velkomin með. Kennt er á mánud, miðvikud og fimmtudögum kl 13:15.

Verð: 16.900 og að loknu namskeiði ertu velkomin þér að kostnaðarlausu í wod tíma þegar þer hentar í 4 vikur 🙂
Einnig vekjum við athygli á breytingu á verðskrá. Verðskráin breytist 1.september.

Share

Framundan hjá okkur!

Núna um helgina ætlum við að skella okkur á Jónsmessuhátíð á Hofsósi og henda upp hrikalega skemmtilegri þrautabraut fyrir krakkana á milli kl 13:00 og 15:00.

Athugið að engar breytingar verða á venjulegri dagskrá hjá okkur. Wod tímar verða á sínum stað kl 09:00 og 10:00 ásamt því að engin breyting verður á KrakkaCrossFit tímunum.

Á lummudögum ætlum við svo að gera okkur glaðan dag og viljum við bjóða þér og öllum þínum að koma og hafa gaman með okkur.  Við ætlum að byrja daginn á því að hafa smá keppni fyrir iðkendur okkar. Keppnin byrjar kl 09:00 og er áætlað að fyrri hluti keppninnar verði búinn fyrir kl 12:00. Kl 13:00 verður svo lokahluti keppninnar haldinn á planinu fyrir utan CrossFit 550. Það væri frábært ef þú myndir mæta og horfa á og kvetja keppendur áfram 🙂

Um leið og keppni lýkur ætlum við að setja upp þrautabraut sem allir geta prufað og svo bjóðum við upp á grillaðar pylsur á milli 13:00 og 15:00.

 

ATH laugardaginn 25.06 falla allir tímar niður hjá okkur vegna keppninnar og skemmtunar eftir hádegi.  Síðastu KrakkaCrossFit tímarnir færast því yfir á laugardaginn 02.07.

 

Allir Velkomnir!

Hlökkum til að sjá ykkur 🙂

Share

KrakkaCrossFit

Á laugardaginn s.l mættu rúmlega 30 krakkar í sinn fyrsta CrossFit tíma og það er óhætt að segja að það hafi verið líf og fjör innan veggja CF550.  Þarna voru krakkar á aldrinum 9-12 saman komin til að komast að því hvað CrossFit er og fá að prófa.  Við settumst niður í upphafi tímans og fórum aðeins yfir nokkrar reglur sem ber að hafa í huga í CrossFit. Regla nr. 1 var að muna að hlusta alltaf vel á þjálfarann. Krakkarnir gátu vel verið sammála því og óhætt að segja að sú regla hafi haldið út tímann. Regla númer 2,3 og sennilega alveg upp í 15 var svo að brosa og hafa gaman saman. Það var ekki annað að sjá en að sú regla hafi líka haldið vel út tímann. Við fórum yfir nokkrar æfingar saman áður en við byrjuðum fjörið, þjálfarar ítrekuðu auðvitað mikilvægi þess að vanda sig við að gera rétt og krakkarnir tóku undir það. Næst á dagskrá var svo æfingin sjálf, inn í æfinguna fóru krakkarnir með það í huga að vanda sig og gera rétt en ekki flýta sér of mikið. Við sáum ekki betur en að allir færu frá okkur með bros á vör og ákveðnir í að mæta aftur!

Við erum ótrúlega ánægð með þennan hóp og hlökkum til að hitta þau aftur á næsta laugardag 🙂

Á myndinni má sjá yngri hópinn (9-10 ára) ræða heimsmálin í upphafi tíma.

 

Share

Sumarið er tíminn !

Jæja, smá “update” frá okkur í CrossFit 550!

Í gær útskrifuðum við 11 manns af grunnnámskeiði og bíðum spennt eftir að úskrifa næstu 8 í kvöld. Í þessari viku eru því 19 manns sem bætast við í iðkendahópinn okkar – við fögnum því og tökum vel á móti þeim í þeirra fyrstu WOD tíma 🙂

Næsta grunnnámskeið byrjar þann 30.maí og er nú þegar orðið fullt.

Fyrstu KrakkaCrossFit tímarnir eru svo á morgun 21.05.2016.  Krakkar fæddir 2006 og 2007 mæta kl 11:30 og krakkar fæddir 2004 og 2005 mæta kl 13:00.  Það er óhætt að segja að frábær skráning sé í þessa tíma og enn er opið fyrir skráningu. Hægt er að skrá á námskeiðin hér til hliðar.

Svo styttist í fyrsta Hot Jóga tímann hjá okkur. Fyrsti tíminn verður kl 12:00 þriðjudaginn 31.maí. Í júní verða í boði 3 timar í viku, þ.e á þriðjudögum og fimmtudögum kl 12:00-13:00 og miðvikudagskvöldum kl 20:00. Ef þú hefur áhuga á að kaupa aðgang í alla tímana getur þú skráð þig á námskeið hér til hliðar. Ef þú villt mæta í staka tíma þá bara mætir þú, engin skráning í staka tíma. Heilt námskeið ( 12 timar) kosta 16.800kr en stakur tími 1600kr

Ef þú ert búin með grunnnámskeið og langar að æfa hjá okkur í sumar getur þú keypt sumarkort á 17.900kr sem gildir út ágúst.

Ef þú hefur einhverjar spurningar um CrossFit, okkur, stöðina eða hvað sem er skaltu ekki hika við að senda okkur post á crossfit550@crossfit550.is eða einfaldlega kíkja við hjá okkur, við erum stödd að Borgarflöt 5 🙂

 

 

 

Share

Næstu grunnnámskeið

Næstu grunnnámskeið byrja 2.maí og 30.maí.

Námskeiðin standa í 3 vikur og eru í heildina 9 tímar.

Á námskeiðinu leggjum við áherslu á að kynna fyrir fólki þær grunnæfingar sem mest er notast við í CrossFit ásamt því að kenna hvernig framkvæma skal æfingarnar rétt. Námskeiðið er hannað til að undirbúa þig sem best að taka þátt í  Wod tímum (WOD= work out of the day) sem að taka svo við af grunnnámskeiðinu. Við leggjum ríka áherslu á tækni, bæði til að fyrirbyggja meiðsl og til að þú náir sem bestum árangri þegar fram líða stundir. Einnig er iðkendum kennt að aðlaga æfingar að eigin getu til að fá sem mest út úr hverri æfingu fyrir sig.

Grunnnámskeiðin kosta 15.000kr og í framhaldi af námskeiðinu getur þú mætt í Wod tíma í 4 vikur án þess að greiða aukalega fyrir.

Ef þú ert að koma norður yfir sumarið og langar að æfa hjá okkur þá er það velkomið. Ef þú hefur nú þegar lokið grunnnámskeiði þá stendur þér til boða að kaupa sumarkort á 17.900kr. Kortið gildir þá frá 1.júní – 31.ágúst. Ef þú hefur ekki lokið grunnnámskeiði þá einfaldlega byrjar þú sumarið á því hjá okkur þann 30.maí, þá er bæði hægt að kaupa grunnnámskeið + 4vikur á 15.000kr eða grunnnámskeið + kort út ágúst á 22.900kr.

Skráning á námskeiðin fer fram hér til hliðar. Athugið EKKI þarf að greiða fyrir námskeiðin við skráningu.

Ef þú hefur einhverjar spurningar varðandi námskeiðin þá skaltu ekki hika við að senda tölvupóst með fyrirspurn á crossfit550@crossfit550.is

 

Share

***GRUNNNÁMSKEIÐ***

Næsta grunnnámskeið CrossFit 550 byrjar þann 04. april n.k. Námskeiðið stendur yfir í 3 vikur. Kennt er á Mánudögum kl 19:15, Þriðjudögum kl 19:00 og fimmtudögum kl 19:00. Hver tími stendur yfir í c.a 60 mín

Í þessum tímum eru undirstöðuæfingar og hugmyndafræði CrossFit kynnt. Iðkendum er einnig kennt að beita líkamanum rétt við æfingar. Einnig eru kenndar  upphitunar-, liðleika- og teygjuæfingar.

ALLIR geta komið á grunnnámskeið (óháð getu) því þar er útskýrt og kennt hvernig má framkvæma mis-erfiðar útfærslur af æfingum og iðkendum kennt að aðlaga æfinguna að sinni getu.

Námskeiðið kostar 15.000kr og innifalið í því er svo mánaðaræfingagjald í framhaldi af námskeiðinu.

Frekari upplýsingar og skráning í gegnum crossfitskr@gmail.com

Hlökkum til að sjá þig !

Share

Upprifjunartímar í CrossFit 550

Mættir þú á grunnnámskeið hjá CrossFit 550 en hefur ekki haft þig af stað aftur ??

Okkur langar þá að bjóða þér að koma til okkar í smá upprifjun. Næstu tvo mánudaga munum við bjóða upp á upprifjunartíma fyrir þá sem hafa byrjað en einhverra hluta vegna ekki komið sér af stað aftur. Tímarnir eru ykkur að kostnaðarlausu og verða mánudaginn 14.3 kl 19:15 og mánudaginn 21.3 kl 19:15.

Í tímunum munum við rifja upp part af því sem þið lærðuð á grunnnámskeiði og taka smá æfingu saman.

Skráning í tímana er í gegnum crossfitskr@gmail.com

Hlökkum til að sjá þig.

Share

Þriðjudagur 09.02.2016

Í dag er fyrsti hádegistíminn. Minnum á að hádegistíminn er ekki skipulagður eða undir stjórn þjálfara, sem þó verður á staðnum til aðstoðar ef fólk vill. Tíminn byrjar 12:15. Wod dagsins er á töflunni fyrir þá sem hafa áhuga á að taka það.

Í kvöld er svo fyrsti teygjutíminn undir stjórn Herdísar Hjörvarsdóttur. Tíminn er kl 20:00. Stefnan er að bjóða upp á einn teygjutíma í viku næstu 4 vikurnar. Það hafa allir gott af því að teygja á því betri liðleiki eykur hreyfigetu og við viljum öll geta hreyft okkur rétt án erfiðleika.

 

Share